Social

Minisiteran’ny Asa : birao manara-penitra miisa 23 no hatsangana manerana ny Nosy

Hametraka trano fiasana manara-penitra miisa 23 manerana ny Nosy, izany hoe 1 isam-paritra ny ministeran’ny Asa, ny Fampanana asa, ny Asam-panjakana ary ny Lalàna sosialy. Efa an-dalam-pahavitana ny 9 amin’ireo birao manara-penitra ireo, ary vinavinaina horaisina mialoha ny faran’ity taona ity izany. Efa vita tamin’ny taona 2019 kosa ny an’ny faritra Atsimo Atsinanana.

Mba hahafahan’ireo biraom-panjakana ireo miasa avy hatrany dia hisy ny fampitaovana homen’ny ministera. Ankoatra izay, hisy fiara 6 hovidina, ary hatolotra ny fitaleavam-paritra ao Sava, Melaky, Boeny, Atsimo Andrefana, Anosy.

Nankatoavina nandritra ny filan-kevitry ny minisitra omaly ny fangatahana famatsiam-bola ahafahana mividy ireo fampitaovana sy fiarana ireo. Natao izany mba hisian’ny fitantanan-draharaham-panjakana manakaiky vahoaka sy ho fanatsarana ny fomba fiasan’ny fanjakana manatsara ny kalitaon’ny tolotra ho an’ny vahoaka.

Tafiditra anatin’ny teti-bolam-pankana nasiam-panitsiana 2021 ity fandaniana ity sady voarakitra ho isan’ny NPE (Nouveau Projet Emergent) koa.

Articles similaires

Laisser un commentaire

Fermer